الرئيسية
أحدث الصور
التسجيل
دخول
الشريف الهماميعضو موقوف
رقم العضوية : 448
عدد المساهمات : 14
التقييم : 0
تاريخ التسجيل : 28/09/2013
العمر : 53
صباحك مصر
الجمعة 13 ديسمبر 2013, 3:48 am
صباح الخير
ندي وردي حبيب عمري
وبيعطر صباحاتي
صباح القشطه
عـ الضحكة اللي مرسومة
بتبعد آهه مكتومة
وجايبة الخير كتير وآتي
تنسيني
الأسي ماضي
تفكرني بأحلامنا نحققها
وتبعد عني احزاني
تسكت وجعي و آهآتي
صباحك حلوة
فـ جبينك وعلقتي تميمة عشق
ماشاء الله
وحلقك مخرطة بيرِق
وايدك ماسكة بتنادي
كلامك حلو ... مش عادي
وبسمعلك وقلبي يدق
جميلة يا بت في الطله
انا هرقيكي بسم الله
يا قمرة فـ ليل مساءاتي
راح ارسملك
من اللؤلؤ علي الصفين
لوحة عشق من دمي
واروح لُمِّي
واقول ليها واحلفها
بسيدي حسين
تجيبلي حبيبتي وحيآتي
صباحك
فل يا غالي
صباح شوفتك
جميلة وحلوة تهنالي
ونظرة شوق
ولا كانت علي بالي
صباح الورد والياسمين
علي بلدي علي
اهلي علي ناسي
بنبض القلب انا برميه
بأشواقي واحساسي
صباحِك قشطه
محروسة يا ست الكل
كيداهم يا احلاهم وغيظاهم
قلوب سودة مليها الغل
صباحِك مسك
والعنبر مع الريحان
يا عمتهم هسكتهم
انا
ولدك هصون عرضك
ما اخلي
عليكي يوم خوان
صباح
النور علي عيونك
يا نور الشمس يا قمرة
يا بنت النيل وضي الليل
وحلوة عيونك السمرة
صباح الخير علي وشك
ولا عاش اللي يوم خانك
ولا كان اللي يوم غشك
وباع اللقمة
ويا الملح والتمرة
صباحك حلو
وولادك رجال ابطال
هتبقي جميلة
وتروقي وعال العال
وخضرة شريفة يا طاهرة
يا ست
الناس من يومك
ومين عاتبك ومين لامك
وخيرك
عـ الجميع زانك
وحلاكي وخلاكي
ياسمينة فـ حوض صبَّار
منحتيهم وتديهم
كرامة وخير وحرية
بدم شهيد في الميدان
كان بيغني اغنية
وحرف شريف
همَّامي
بيكتبلك يقول اشعار
وفي الميدان
بيهتفلك مع الثوار
يا حرة يا مصر يا أبية
وانا ... عنيا
وروحي فداكي مع قلبي
وابويا امي
وابني كمان ومراتي
واخويا واختي
وكل جنيه فـ اديا
ما هقبل فيكي يوم دية
انا معرفش غير التار
واوعوا
تقولوا كم مليار
بيمحوا
عن وطنَّا العار
من امارات وسعودية
دي بس محبة وهدية
بواقي
خيرك الماضي
كلام فاضي كمان عادي
كفاية
يا مجرمين اشاعات
مفيش
الفرق بين لـ خوات
جميلة
يا مصر يا بهية
وعسلية
انا وبـ صَلِّي هدعيلك
واحج البيت
واطوف
الكعبة روحت وجيت
وازور المصطفي المختار
واهو بالمرة
رآح اعملي كم عُمرة
يروق البال
ويهدي
العاصي فـ ولادك
ونرجع تاني
نتلملم سوا فـ حضنك
علي
طبلية في السهرة
لـِ الشريف
23/10/2013
ليدرمدير الموقع
رقم العضوية : 4
عدد المساهمات : 9777
التقييم : 402
تاريخ التسجيل : 07/11/2010
العمر : 57
رد: صباحك مصر
الجمعة 13 ديسمبر 2013, 3:58 pm
ان شاء الله نرجع تانى لبعض و تزول الغمة
شكرا شاعر المنتدى الجميل
شكرا شاعر المنتدى الجميل
صلاحيات هذا المنتدى:
لاتستطيع الرد على المواضيع في هذا المنتدى