منتديات مصرية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اذهب الى الأسفل
أحمد جلال
أحمد جلال
عضو موقوف
ذكر
عدد المساهمات : 4
التقييم : 0
تاريخ التسجيل : 17/08/2014
العمر : 46

غرام كامل Empty غرام كامل

الأحد 17 أغسطس 2014, 5:20 pm
-    بحبك ..
-    عادى .. إيه يعنى !!
مغيرك ياما سمّعنى
هويت وعشقت من قلبى
زمان .. والحب ضيعنى .
طاوعت قلوب .. تقول ..وتدوب
وف الاخر تودعنى .
وايه يعنى !!
قابلت كتير .. عرفت كتير
وجرح القلب .. مزّعنى .
إيه يعنى !!
وارجع احب من تانى
واضحى بروحى وكيانى
وادوب فى عيون بتخدعنى
واقول عادى وايه يعنى !!
 صبرت وكنت مستنى
تحن عيون وتهوانى .
ودايما كانت الفرحة
وانا محتاجها .. تنسانى .
بكيت وضحكت على نفسى
ولا فسرت احزانى .
مبطلتش فى يوم حيرة
ولا ودعت حرمانى
غرام ناقص .. وانا محروم
انام حيران .. واقوم مهموم.
وكل الناس تقول عاشق
وفى مرايتى .. انا المهزوم
حكاية حلم مكملشى
طريق بمشيها  يوم ورا يوم
ولا عايز افوق م النوم
اصدق مين .. واكدب مين
عيون الكل .. فيها حنين
امد إيديه .. بالفرحة
الاقى كل دول .. خاينين
وانا وحدى مع التوهة
ومش عارف اروح على فين .
فضلت بمركبى عايم
وموجه لموجة .. ترمينى .
ما نيش كاره ولا هايم .
وجرح الروح .. بيكوينى .
تبان ف عيون بحور طيبة
اسيب الدفة واستسلم
اعود بالحسرة والخيبة
ولا اشكى .. ولا اتالم .
كتمت مشاعرى وداريتها
عشان يمكن فى يوم اهوى
تكون ملك اللى حبيتها
وكون بالحب انا الاقوى
اشوف غيرى بيتعذب
تهون فى عيونى انا البلوى
لاقيت كل الكلام كدبة
وانا صدقتها وحدى
وخلصت بينا اهى اللعبة
وكل الكدب بيعدى
متسألينيش  خلاص عن حلم ودعته
ولا عن قلب انا بالوهم .. ضيعته
انا لملمت اوهامى ..وافكارى .
هغير اسمى وكلامى .. واشعارى .
هجرب حب حبيته وانا صغير
وعارف انى مش هتعب ولا اتحير
غرام كامل ... وانا المحروم
  مفيش لاعذاب ولا فى هموم
وهرمى القلب على بابها
 وانا راضى
وروحى تروح فدا ترابها
واقول : عادى
يا ريت تقبلنى .. عاشق
ضمن عاشقها ومحاسيبها
وانا احلف محبش غيرها
طول عمرى .. وماحاسبها
وم الآخر
انا قررت اعيش الحب
ليها وبس
هخرّج حبى وغرامى
بصوت او همس .
انا قررت
اعيش الحب مع غيرك 
سبينى اسيب لها نفسى .
هعيش الحب مرة بجد
على كيفى ..
سبينى مرة من نفسى .
وقررت
ان انا هنساكى بالمرة
ياريت انتى كمان ..تنسى
يا ريت تنسى

الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى