حكايتى مع سهوكة حصريا فى منتديات مصرية

الثلاثاء 12 نوفمبر 2013, 9:12 pm

السلام عليكم ..

بنتى اللى فى تانية ثانوى حبت فى يوم من الايام يكون عندنا قطة

انا بصراحة رفضت الموضوع ده و ما اتكلمناش تانى فيه

فى يوم من الايام و انا راجع من الشغل لئيت

عندنا زوجة نسيبى فى زيارة عندنا

سلمت و دخلت جوا اغير هدومى

زوجتى جت و قالت لى ح اقول لك على حاجة بس ياريت ما تحرجناش

و تعدى الموضوع مؤقتا ..

الحكاية انها جابت قطة معاها

عديت الموقف و سكتت .. و العيال كانوا فرحانيين بيها

بمرور الوقت القطة اكتشفت انى مهم و بدأت تقرب منى و تطلب منى احط لها أكل

و ألعب معاها و بدأت تحفظ مواعيد نزولى و رجوعى

و بدأت تتعامل معايا بطريقة مختلفة عنهم خالص

انا سميتها سهوكة

عجبهم الاسم

كانت بتتعامل معايا بطرقة غريبة اوى

و تحبنى اطبطب عليها و تبعد عنهم لو عملوا كده

و ألذ حاجة كان ثبات مواعيد نومها و صحيانها

و ترحيبها بيا و انا راجع من الشغل كل يوم

و لئيتنى من غير ما احس بحب سهوكة

و بفتقدها لما تنزل معاهم عد ستهم