شرح نقل المشاركات أو تقسيم المواضيع فى منتديات فى بى vb

نفترض مثلا إن عندنا موضوع يحتوى مثلا مثلا على 10 ردود ( 10 مشاركات )
واخدين بالنا إن الرد اسمه مشاركة ؟!
عشان بس نفرق كويس بين كلمة موضوع و كلمة مشاركة
اذن لما اقول رد أو ردود يبئى قصدى مشاركة أو مشاركات و العكس
المهم ...
و نفترض إن عندنا مشاركة أو مشاركتين أو اكتر و لظروف ما
قررنا نخللى المشاركات دول أو المشاركة دى موضوع منفصل لوحده ..
السؤال دلوئت : ازاى ح ناخد المشاركات دى من قلب الموضوع
و نعملها فى موضوع لوحده ؟
ياللا بينا نفتح الموضوع المطلوب نقل مشاركات منه
الإجراء ده أنا ح اعمله على مشاركتين
و عايزك تطبقه مرة على مشاركة واحدة و مرة على تلات أو أربع مشاركات
النتيجة ح تكون فى الأخر اننا اصبح عندنا موضوع جديد بإسم احنا ح نختاره
و ح يكون ترتيب المشاركات فيه بحسب أقدميتها
و ح يكون اسم صاحب الموضوع هو العضو صاحب أقدم مشاركة
من المشاركات اللى ح ننقلها
ياللا بينا
1- نفتح الموضوع المطلوب نقل مشاركات منه
2- نسيب اول مشاركة ( المشاركة رقم 1 ) و ننزل على المشاركة التانية
3- ح نلائى على راس المشاركة اطار مكتوب فيه على اليمين توقيت المشاركة
و مكتوب فيه على الشمال رقم المشاركة و جنب الرقم ده مباشرة ح تلائى مربع
.. نلاحظ ان المربع ده بيظهر للمشرفين و مابيظهرش للأعضاء
4- نضغط بالماوس جوا المربع عشان تتحط فيه علامة ، ح نلائى العلامة اتحطت
و ح نلائى المشاركة كلها اتعلمت و اصبح لونها مختلف عن لون باقى المشاركات
5- ننزل على المشاركة اللى بعدها و نعمل علامة فى المربع زى ما عملنا قبل
كده بالظبط
** كده اصبح عندنا مشاركتين فى الموضوع متعلم عليهم
المشاركتين دول مطلوب نقلهم بحيث يصبحوا موضوع منفصل
عن الموضوع الأصلى ( موضوع جديد يعنى )
6- بعد ما عملنا علامات فى المشاركة رقم 2 و المشاركة رقم تلاتة
ننزل بالماوس او بالكيبورد لصفحة الموضوع ح نلائى تحت خااالص
بعد نهاية اخر مشاركة فى الصفحة و فوق صندوق الرد السريع
خانة على الشمال اسمها ( خيارات المراقبين )
الخانة دى اخرها راس سهم اسود باصة لتحت و على شمالها
زرار مكتوب عليه ( تنفيذ ) و مكتوب فيه ( 2 )
يعنى ح يتعمل إجراء على مشاركتين
( لوكان مكتوب فيه 3 يبئى ده معناه ح يتعمل اجراء على 3 مشاركات و هكذا ... )



6- نضغط على راس السهم الاسود ح تظهر قائمة نضغط فيها على ( نقل المشاركات )



7- نضغط على زرار تنفيذ
ح تفتح صفحة جديدة و ح نلائى حاجة اسمها ( نقل المشاركات الى موضوع جديد )
و ح نلائى علامة محطوطة فى الدايرة بتاعة خانة ( المنتدى الموجه اليه )
نسيب العلامة زى ما هى
8- نضغط على السهم الاسود اللى فى خانة المنتدى الموجه اليه
ح تظهر قائمة بأقسام المنتدى نختار منها القسم المطلوب نقل المشاركتين اليه كموضوع جديد
9- تحت خانة المنتدى الموجه اليه ح نلائى خانة اسمها العنوان
10- نكتب جوا خانة العنوان أى عنوان مناسب للموضوع الجديد
11- نضغط على زرار نقل المشاركات



12- لو ظهرت صفحة تطلب منك كتابة كلمة المرور ، اكتب كلمة المرور
اللى بتخش بيها للمنتدى و انت بتسجل دخول
13- بكده ح يظهر عندنا موضوع جديد بالاسم اللى اخترناه
و صاحب الموضوع ح يكون بإسم صاحب اقدم مشاركة