كلام لازم يعجبك

السلام عليكم
بمناسبة شهر رمضان الكريم
حبيت ادردش معاكم شوية
ربما الكلام يكون فيه شوية انتقاد
بس لازم يعجبك
انا بحبك و عايز مصلحتك
نبدأ على بركة الله
تابعوا الموضوع فهو متجدد و ان شاء الله يكون مفيد لنا جميعا ..

اول حاجة و بعد كل سنة و انتوا طيبين
ممكن يا جماعة اللى يخش المسجد يقفل موبايله ؟
عيب كده تكون واقف أدام ربنا سبحانه و تعالى و موبايلك يرن .. انت حاسس انت واقف أدام مين ؟ انت واقف أدام الملك .. رب العرش العظيم .. حاسس يعنى ايه موبايلك يرن و انت فى الموقف ده ..
اقفل موبايلك تعظيما و إجلالا للرب العظيم
اقفل موبايلك اكبارا و اجلالا للملك الكبير
اقفل موبايلك مخافة و خشية من قيوم السموات السبع و الاراضين ..
اقفل موبايلك رحمك الله و غفر لك ..