طريقة حذف nuesearch من فايرفوكس والكمبيوتر

الأحد 05 فبراير 2017, 6:48 pm

طريقة حذف nuesearch من فايرفوكس والكمبيوتر من غير ماتدور ولا تحتار لأنى دورت قبلك وما لئيتش حل خالص ..

طريقة حذف nuesearch من فايرفوكس والكمبيوتر Do.php?imgf=1469924930541

شوفوا ...
انا عندى فكرة كويسة عن الكمبيوتر كسوفت وير وهارد وير وبعرف اتعامل مع المتصفحات بطريقة جيدة وعندي شوية خبرة فى المجال ده وعلى الرغم من كده ماعرفتش اتعامل مع nuesearch ابدا .
جربت طرق كتيرة جدا لحذفه من فايرفوكس
دخلت على الريجستري وحذفت كل حاجة فيها كلمة nuesearch ودخلت الكونترول بانل وحذفت كل البرامج الغريبة ودخلت على الام اس كونفيج وشوفت البرامج اللى بتشتغل فى الستارت اب ومنعت اى برنامج غريب .
ده غير انى حذفت اى حاجة فيها nuesearch من الجهاز .
وعملت ريفريش ل فايرفوكس كذا مرة وغيرت الهوم بيج وشوفت الآدز اون و عملت تفريغ للجداول ....
الحقيقة وعلى مدار اكثر من يوم حاولت بشتى الطرق انى احذف nuesearch من فايرفوكس وماعرفتش الصراحة ...
الطرق اللى فاتت نجحت فى حذفه من اكسبلورر واوبرا وجوجل كروم لكنها فشلت بجدارة مع فايرفوكس .
nuesearch بيعمل نفسه صفحة بداية فى فايرفوكس ويقرفك كل شوية وفى الاخر قلت احذف فايرفوكس وامسح اى اثر له من على الكمبيوتر تماما وانزل نسخة جديدة ..
عملت كده وفشلت المحاولة برضو ولئيت nuesearch طالع لى كصفحة بداية ..
اخر محاولة وقلت انا ح افرمت الجهاز واستريح منه خالص بعدها ، لئيت برنامج صغير اسمه Adware Removal Tool by TSA
كنت نزلت برنامجين قبله مش فاكر اساميهم وماعملوش حاجة خالص ، لكن البرنامج ده Adware Removal Tool by TSA نضف الفايرفوكس واشتغل حلو اوى بعد ما شغلته وعملت بيه سكان .
Adware Removal Tool by TSA آداة حجمها صغير وخفيف جدا وقضى على nuesearch بالضربة القاضية فى دقائق
دى صفحة البرنامج ( اضغط هنا )
البرنامج مجانى وتحميله ما بيستغرقش ثوانى ( ناخد بالنا من القافية )
الى كل من يعانى من nuesearch
Adware Removal Tool by TSA يقضى عليه تماما وعن تجربة
انا حطيت البرنامج فى المرفقات احتياطى
بس اظن انه بعد فترة معينة مش ح يشتغل لأنه اول ما بيبدأ بيدور على الابديت ،
عموما خلليه معانا احتياطى