حدوتة المصرى افندينا منتديات مصرية ومنتديات بحبك يا بلادى سابقا

السلام عليكم
اول ما اتعمل المنتدى ده كان اسمه منتديات بحبك يا بلادى
كانت فكرة دلتا فورس
كنت بتكلم معاه ووقتها كنا فى منتدى قلوب مصرية وفجأة وقع وماكانش فى اى وسيلة اتصال مع سمير لاشين صاحب الموقع فلئيته بيقول لى ما تيجوا نعملوا منتدى ونلموا الناس بدل ما يختفوا ومانعرفوش نوصل لهم لغاية ما نشوف سمير ح يظهر امتى وقلوب مصرية راح فين .. وجاب لى موقع احلى منتدى وقال لى بص بصة وشوف ايه رأيك ..
دلتا فورس سابنى تلات اربع ساعات ورجع تانى وكلمنى بس وقتها كنت عملت المنتدى بالفعل ..
كنا فرحانين بالشغل الجديد وجيبنا كل الناس اللى نعرفوها معانا واتفقنا اننا ح نكون هنا بصفة مؤقتى لغاية ما يرجع قلوب تانى ..
المنتدى بدأ بداية قوية جدا كنت انا ودلتا فورس ( المسافر ) وايمى مون عمالين نعملوا فى مواضيع وبعدين جالنا كاتومان ونسمة ونادين وهمسة ملاك والحاج محمد افندى وفارس الحارث وشيكو وكوكو ومدحت وفراشة وعشتار والمنتدى بئه تحفة الصراحة ..
بعد كده بدأت الناس تنشغل لغية ما وصلنا لتلاتة بس انا ومحمد افندى وايمى وبعدها انضمت روعة والمهاجرة ورجع للمنتدى تانى الروح والنشاط بس كنا سميناه منتديات مصرية عشان جوجل يحبنا ويظبطنا هههههه ،
ح ارجع لكم تانى