حكمة البلطية

الخميس 02 فبراير 2012, 9:54 am

بت يا سوسو .. انتى يا مأصوفة الرئبة !!

يامّا سيبينى فى حالى بئه انا زهئانة شوية و عايزة افضل لوحدى حبّة

يا بت حرام عليكى اللى بتعمليه فى نفسك ده , نفسى اشوفك مشوية ولا مئلية , أومى يا بت تعالى كلى !!

يامّا مش عايزة آكل خالص , ماليش نفس

يا بت ماتبصيش لبت البورى , دى بت مبطرخة و انتى مش أدها , تعالى يختى اسمعى كلام ماما

يامّا هو انا يعنى عشان بلطية يبئى مش من حقى احلم , ده انا حتى بفكر اهاجر ,

نفسى يامّا اعيش فى بلاد الحيتان ,, ياااااااااااه لو حوت ياكلنى يامّا , يااااااااااااااااااااااه

حوووووووووووووووووت ,, حوت ايه يا أم صرم انتى ,, انتى يا بت ح تعمليلى فيها قاروص , يا بت

ده انتى عيلتك كلها كانوا بيأكلوها للبط من كام سنة ,,

أومى يختى الله يهديكى , الولا مدلدل الصنارة بئاله ربع ساعة , ياللا روحى كلى الدودة خلليه يصطادك

و يشويكى , خللينا نفرحوا بيكى يا سوسو