معلش ... معلش ... معلش

كم مرة فى يومى اسمع واقول معلش
فى كل وقت .. وفى كل مكان .. نقول ونسمع معلش
جار بيرمى زبالته من شباكه توسخ غسيل جاره ويقول له معلش
وراكب عجلة بدون فرامل يخبطك وانت ماشى ويقول لك معلش
وزميلك فى الشغل يغلط فيك ويقول لك معلش
وموظف فى عمل يعطل مصلحتك .. يقول فوت بكره وييجى بعده ويقول لك معلش
فى التاكسى .. فى الاتوبيس .. تلاقى الكل اصحاب معلش
من كترمابنقولها ونسمعها هى نفسها زعلت من معلش
فهل تصدق ان معلش زعلانة من معلش
( امتى نخلص من معلش )
تحياتى ...

يااااااااااه يا استاذى

فكرتنا بزمان

فاكر اعلان معلش ؟

عندنا سلبيات كتيرة جدا و ياريت نتخلص منها

نفسى نبدأ فى حراك مجتمعى ايجابى

يورى العالم كله يعنى ايه مسلم !!

نفسى

ياسيدى معلش معلش معلش
اسمح لى ارد على معلش
يمكن المرده تنفع معلش
لوقولت عيب عشان الاسلام معلش
دين النظافه والايمان معلش
ولونرجع لزمان وكلام الاجداد معلش
لو كتبنا على الكراسه زى زمان معلش
لو الصغير احترام ابوه والكبير معلش
لوفضلت اكتب واكتب تسامحنى معلش
سلام سيدى ومعلش..
هههههههههههههه
من كترمابنقولها ونسمعها هى نفسها زعلت من معلش
فهل تصدق ان معلش زعلانة من معلش
( امتى نخلص من معلش )
لمانصالحها ....
أبورمضان
عجوز المنتدى
معلش.....
مع الاعتزار لمحمد الهلالى...

كلمة معلش أحياناً بتكون كويسة لما يكون الغلط غير متعمّد ونستخدمها بحسن نية وبغرض تطييب الخاطر فعلاً
لكن لو استخدمناها بغرض إننا نخرس اللي قدامنا ونلجمه أو نكبر دماغنا من ناحيته مع إن الغلط علينا
فاسمحلي ..
((معلش))
لازم هنا يكون فيه وقفة
لازم نعدّل سلوكياتنا
نحترم كبيرنا
نراعي مشاعر غيرنا
نرجع من تاني ونتمسك بأخلاقنا
وبديننا
ساعتها
مش هانغلط
وساعتها
مش هانحتاج نستخدم ((معلش))
وسامحني أستاذي .. معلش
لو كنت طوّلت

في البدايه ارحب بك أخي محمد

فعلا كلمة معلش مشكلة في حياتنا

وجذورها أعمق من مجرد كلمة

دي فكر وسلوكيات

فكر بيقول للإنسان إعمل اللي انت عاوزة وبعد كدا اعتذر مش مهم

وترجمة للفكر دا بسلوكيات منتشرة في المجتمع بشكل غريب

محتاجين ثورة فكرية نغير بها افكارنا علشان نقدر نترجمها لسلوكيات

علشان يبقى التغيير جذري

شكرا للطرح الهام .. خالص تقديري

مشاركة غير مطلوب الرد عليها
فقط اجراء تنشيطى لضبط الفهرس
نعتذر عن الازعاج

إثبات حضور للمشاركة تقديرا و عرفانا .....
مشكور على بديع ما قدمت ....
مع أطيب و أرق تحية ...

محمد منير كان بيغنى اغنية اسمها معلش

و كان عاجبنى التعبير انها عدو عايش ويانا

بس انا شايفه ان المسامح كريم مادام الخطأ بسيط و غير مقصود

أستاذنا الغالى / أدمن

لكى نواجه السلبيات المنتشرة بيننا وفيمن حولنا..ينبغى التحرك بايجابية كمسلمين
بمرجعية اسلامية..وبحيث تكون آلياتنا..هى ترجمة آيات قرآننا ( خاصة المعاملات)
بطريقة تطبيقية مع من نتعامل معهم ( فى الأسرة / والعمل / الجيران / السوق )
عندها نكون بحق مسلمين ..يفخر بنا الاسلام..لتطبيقنا شرع الله..فيشب المجتمع
قويا..يحفظ الحقوق والواجبات .. بين أفراده ..
شرفت بالزيارة .. وسعدت بحسن الاطلالة..
تحياتى........

أخى الحبيب / أبو رمضان

كلمة معلش ..وجهها الايجابى.. يكون فى استخدامها..عند الاعتذارعن خطأ ما..
كما أن استعمالها .. يكون عند توجيه الآخرين..لاتباع سلوكيات نافعة وايجابية..
شرفت بالزيارة..وسعدت بجميل الاطلالة
تحياتى.........

الى الغالية / روعة الأشياء

كلمة معلش الايجابية .. تكون مقبولة .. عند الاعتذار عن ارتكاب خطأ ما..
وعند تطييب الخاطر بين متخاصمين..بهدف ازالة أسباب الخصومة ..
ولايجب استخدامها بديلا عن الاعتذارعند حدوث الخطأ ..
شرفت بالزيارة..وسعدت بحسن استقبال الموضوع.. وجميل الاطلالة..
تحياتى........

الى الغالية / فراشة

نحن فى أمس الحاجة لتغيير سلوكياتنا..بحيث نصل فى النهاية الى استخدام..
كلمة معلش فى مكانها..فيكون حقا.. لكل مقام مقال..
شرفت بالزيارة..وأهلا بها من اطلالة

تحياتى............

الى الغالية / همسة

شرفت بالزيارة.. سعدت بالاطلالة..

تحياتى......

الى الغالية / رومانسية

نحن مع من يستخدم كلمة معلش..فى مكانها الصحيح..ونختلف مع من يستخدمها
فى غير مكانها ..
شرفت بالزيارة .. وسعدت بالاطلالة

تحياتى..........

الى الغالية / همسة عتاب

كلمة معلش تكون عدوا ..يعيش بيننا..اذا استخدمناها..بطريقة عشوائية..

شرفت بالزيارة .. وسعدت بطيب الاطلالة

تحياتى........