زواج الصالونات.. واللقاء الأول

الأحد 10 يونيو 2012, 2:07 am

رغم دخولنا في القرن الحادي والعشرين، إلا أن العديد من الشباب العربي
ما زال يؤمن بالزواج التقليدي، ويفضل الارتباط عن طريق "زواج الصالونات"
بدلا من الارتباط بقصة حب غير مأمونة قد لا تكلل بالنجاح في النهاية، وينتج
عنها أذى نفسي ومادي.

ويعول الكثير من الرجال على اللقاء الأول بالفتاة المرشحة لتكون زوجية
مستقبلية له، على امل ترك انطباع جيد لديها يدفعها لقبول الاقتران.

غير أن هناك العديد من الأخطاء الساذجة التي قد يرتكبها الرجل في اللقاء
الأول قد تترك الانطباع الخاطئ لدى الفتاة، مما ينتج عنه فشله في اقناعها
به كزوج مستقبلي.. فما هذه الأخطاء؟

1- التحدث عن مرتب العروس أو ممتلكاتها الشخصية:

لا يجوز أبدا أن تسأل عن دخلها، أو كم راتبها الشخصي، أو الاستفسار عما
تقتنيه من مشغولات ذهبية وعقارات ومبالغ نقدية تدخرها في البنك.

وفي الحقيقة، عليك تجنب هذا السؤال لأطول فترة ممكنة، لأنها مسألة حساسة
وشخصية جدا لدى المرأة، وقيامك باثارة هذه المسألة سيجعلها تشك في نواياك
الحقيقية للارتباط بها، لأنها ستظن أنك بخيل وتريد زوجة تساهم معك في
النفقات، أو أنك طماع تريد استغلالها.

زواج الصالونات.. واللقاء الأول 345705

2- التحدث عن علاقاتك النسائية السابقة:

صحيح أنه في وقت من الأوقات، ستكون هناك حتما جلسة مصارحة بينك وبينها
حول علاقاتك النسائية قبل أن تلتقي بها، لكنه ليس من اللائق أبدا التحدث عن
هذا الأمر خلال أول لقاء بها.

في اللقاء الأول بها، عليك أن تركز على المستقبل، وليس الماضي، فاذا
أمضيت الوقت في الحديث عن علاقاتك النسائية ومغامراتك العاطفية ومن جرحت
قلبك ومن تخلت عنك، فتأكد أنك ستخرج من هذا اللقاء خاسرا، لأنها قد تشك أنك
مازلت تعيش في الماضي ولم تتخلص بعد من ذكريات السابقات، خاصة اذا كنت لم
تحب قبلها سوى امرأة واحدة، لأنها ستظن أنك ما زلت تعيش في ظل هذه المرأة.

3- اخفاء رغبتك في الزواج وتكوين أسرة، والحديث عن الحب أولا:

طالما قبلت أن تتزوج بطريقة "الصالونات" فلا يصح أن تطلب منها أن تقع في
حبك أولا ثم تخططان للزواج، فالمعروف ان زواج الصالونات يكون مبنيا على
الارتياح والقبول والتفاهم أولا، ثم يأتي الحب لاحقا.

وبالتالي عليك أن تظهر لها نواياك الواضحة بالنسبة للزواج وفترة الخطوبة وما إلى ذلك.

4- الإلحاح والاستعجال في اتمام الزيجة:

لا ينبغي أن تتعجل الزواج، وتلح عليها كي تقتنع بك سريعا لاتمام الأمر،
صحيح أنه زواج تقليدي لكن في هذا الزمن لا يصح أن تتزوجها فورا ودون أن
تخوضا تجربة الخطوبة لفترة كافية من الوقت، تتعرفا خلالها على بعضكما
وتدرسا مزايا وعيوب كل منكما .

وبالمثل، لا يجب أن تلح أبدا في التعرف على انطباعاتها الأولية عنك خلال
اللقاء الأول نفسه، عليك الانتظار لبعض الوقت، وتتركها لتفكر جيدا قبل
ابداء رأيها ، واذا طلبت اللقاء بك مرة أخرى من أجل التعرف عليك أكثر،
فعليك ان تتقبل الأمر، وتحاول ترك انطباعا أفضل لديها في المرة الثانية.

زواج الصالونات.. واللقاء الأول 345706

5- التصرف بحدة أو توتر خلال اللقاء الأول:

حتى اذا كنت متوترا أو صاحب شخصية عصبية، فلا يصح أن تجعل هذه السمات
تطغى على حديثك معها، حتى لا تظن انك شخص جبار وعنيد وصعب المعاشرة.

لا تثر توترها وامتعاضها بكلامك الجاف، أو ردودك العصبية، حاول ان تظهر صبورا وهادئا ومرحا، وإلا فستفقدها للأبد.

6- الحديث عن أشياء لا تجذبها:

لا تقم بدور المحلل السياسي أو المعلق الرياضي في أول لقاء، اختر موضوعا
يناسبها للنقاش، أو اجعلها تختار هي ما تريد الحديث عنه، ولا تحاول أن
تستأثر بالحديث. كن ودودا ولطيفا واستمع لها ولا تقاطعها أثناء كلامها،
وناقشها بهدوء لتتخلصا من الخجل والتوتر المسيطر على الجلسة.

الأحد 10 يونيو 2012, 2:10 am

الأحد 10 يونيو 2012, 2:13 am

ههههههههههههه

حلوة دى

بصراحة اخر حاجة ممكن اتخيلها ان واحد يتقدم لواحدة

و فى اول لقاء بينهم يكلمها عن مغامراته النسائية

ضحك شديد

الأحد 10 يونيو 2012, 2:40 am

لكن فعلا بتحصل حضرتك بيكون قاصد انه يكون واضح يعنى

لكن للاسف بتيجى عليه فى الآخر

ههههه

اهلا بحضرتك

ميرسى جدا لك

الإثنين 11 يونيو 2012, 1:09 am

بصى يا مهاجرة

فى فرق بين الوضوح و بين السذاجة

ده ممكن يحصل فى الافلام مثلا

او ممكن يحصل بعد الجواز بمدة كبيرة كنوع من اثارة الغيرة مثلا

لكن واحد يروح يتقدم لواحدة و اول مرة يشوفها يقوم يحكى لها عن مغامراته

طيب مستنى منها ايه وقتها ؟ تقوله برافو و تصقف له مثلا ههههههههههههههههه

بصى

انا مش متخيلها خالص الحكاية دى

بس نخرج من القصة ده و نخللينا فى صلب الموضوع لانه مهم بصراحة

شوفى يا ستى

زواج الصالونات فى حد ذاته ولا هو حاجة ناجحة جدا ولا هو حاجة فاشلة

او موضة قديمة .. و الحب قبل الزواج ليس مقياسا ولا ضرورة

لنجاح الزواج و استمراره و عدم وجوده قبل الزواج ليس بالضرورة

سبب فى فشل العلاقة الزوجية

المهم الاختيار مبنى على اساس ايه

و مدى الاتفاق فى وجهات النظر

قبل الزواج يا مهاجرة و من وجهة نظرى

الراجل مسئول بنسبة 100% عن نجاح الزواج و استمراره

و بعد الزواج الست مسئولة بنسبة تتخطى ال 60 % عن نجاح

الزواج و استمراره

و ده كله بغض النظر عن كونه زواج تقليدى ( صالونات )

او زواج عصرى ( جاف و بارد من وجهة نظرى )

اما الاخطاء التى يتحدث عنها الموضوع

فأعتقد انها مجرد محاولة لكتابة مقال من الكاتب و حشوه

لأنه كلام غير واقعى بالمرة و حدوثه على نحو ما ذكر كاتب المقال

يكون كحالة استثنائية و ليس كظاهرة مجتمعية

بصراحة انا مش قادر استوعب ان راجل قاعد مع واحدة

عشان يرتبط بيها و يسألها بتقبضى كام ؟

تالسؤال ده معناه ان البنت لازم تقوم فورا و تقول له معلش

مش ح اقدر اكمل معاك لانى مرتبطة بميعاد مع صاحبتى

و تحرق دمه و تسيبه فوراااا بدون اى نقاش

كمان مستحيل راجل او ست فى اول لقاء يطلب من الاخر ان يحبه

لكن ممكن يكون مستعجل و ده طبيعى لانه اكيد ح يكون مرتبط

بسفر مثلا او ظروف معينة فلازم يفصح عن رغبته و هى تقرر

و اعتقد ان التعجل فى الحالة دى مش من الاخطاء

موضوع الحدة و العصبية غريب برضو

و اعتقد ان محدش بيعمل كده فى اول لقاء او حتى تانى لقاء

الا بئه لو مفيش رجالة فى الدنيا غيره

ههههههههههههههههههه

كمان موضوع التجمل فى الحديث و عدم مقاطعتها مش حلو

المفروض العكس

انها تسمع له كويس و تكست لما يتكلم لانه الراجل

و لانها هى اللى ح تمسع الكلام

و بالتالى سكوتها و انصاتها مهم جدا

عشان تحدد الشخص ده ح يناسبها ولا لأ

و الراجل اللى يعجب بشخصية الست و ينبهر بأسلوبها

و يسمع لها و الحركات دى غالبا بيكون راجل ضعيف و مهزوز

و الست بتلائى نفسها بعد الزواج هى صاحبة الرأى و القرار

و ده مش حلو بصراحة على الاقل من الناحية التربوية

الإثنين 11 يونيو 2012, 1:16 am

موضوع التحدث عن العلاقات السابقة قد تحدث فعلا وليس بعد وقت طويل كما قال ليدر فقد تحدث من بعض الشباب كنوع من فرد العضلات من باب انا حبيت كتير قبلك فاحمدى ربنا انى خطبتك انتى او نوع من التباهى انه واد محصلش وموضوع التوتر دا شئ طبيعى ولازم الست تقدره

الإثنين 11 يونيو 2012, 1:34 am

عطر الشرق كتب:موضوع التحدث عن العلاقات السابقة قد تحدث فعلا وليس بعد وقت طويل كما قال ليدر

ممكن يحصل فى اول مقابلة يا عطر ؟

الإثنين 11 يونيو 2012, 1:50 am

زواج الصالونات فى حد ذاته ولا هو حاجة ناجحة جدا ولا هو حاجة فاشلة

او موضة قديمة .. و الحب قبل الزواج ليس مقياسا ولا ضرورة

لنجاح الزواج و استمراره و عدم وجوده قبل الزواج ليس بالضرورة

سبب فى فشل العلاقة الزوجية

اتفق مع حضرتك استاذى ان زواج الصالونات نجاحه ليس باهرا ولكنه معتدل جدا باحتمالات نجاحة واستقراره

لأنه عقلالنى قبل ان يكون للعاطفة مكان مؤثر ...

فالعاطفة تطفىء نور العقل ... وصراحة لو زواج الصالونات موضه قديمه اكون اول من يهوى التراث لانى صراحة مؤيده له جدا

ههههه

الإثنين 11 يونيو 2012, 1:54 am

قبل الزواج يا مهاجرة و من وجهة نظرى

الراجل مسئول بنسبة 100% عن نجاح الزواج و استمراره

و بعد الزواج الست مسئولة بنسبة تتخطى ال 60 % عن نجاح

الزواج و استمراره

و ده كله بغض النظر عن كونه زواج تقليدى ( صالونات )

او زواج عصرى ( جاف و بارد من وجهة نظرى )

فعلا حضرتك كلام تمام جدا

وانت كنت أحمل الزوجة العبء الأكبر بنجاح الاسرة بعد الزواج سواء كان صالونات او مودرن

لانها فعلا وبصدق ميزان البيت الحساس

الإثنين 11 يونيو 2012, 1:55 am

المهاجرة كتب:

زواج الصالونات فى حد ذاته ولا هو حاجة ناجحة جدا ولا هو حاجة فاشلة

او موضة قديمة .. و الحب قبل الزواج ليس مقياسا ولا ضرورة

لنجاح الزواج و استمراره و عدم وجوده قبل الزواج ليس بالضرورة

سبب فى فشل العلاقة الزوجية

اتفق مع حضرتك استاذى ان زواج الصالونات نجاحه ليس باهرا ولكنه معتدل جدا باحتمالات نجاحة واستقراره

لأنه عقلالنى قبل ان يكون للعاطفة مكان مؤثر ...

فالعاطفة تطفىء نور العقل ... وصراحة لو زواج الصالونات موضه قديمه اكون اول من يهوى التراث لانى صراحة مؤيده له جدا

ههههه

هههههههههههههههههه

هو كويس مش وحش يا مهاجرة لكنه ليس مقياسا لنجاح الزواج ولا سببا لفشله .. ده قصدى بالظبط

rose

الإثنين 11 يونيو 2012, 1:58 am

المهاجرة كتب:

قبل الزواج يا مهاجرة و من وجهة نظرى

الراجل مسئول بنسبة 100% عن نجاح الزواج و استمراره

و بعد الزواج الست مسئولة بنسبة تتخطى ال 60 % عن نجاح

الزواج و استمراره

و ده كله بغض النظر عن كونه زواج تقليدى ( صالونات )

او زواج عصرى ( جاف و بارد من وجهة نظرى )

فعلا حضرتك كلام تمام جدا

وانت كنت أحمل الزوجة العبء الأكبر بنجاح الاسرة بعد الزواج سواء كان صالونات او مودرن

لانها فعلا وبصدق ميزان البيت الحساس

انا كمان متفق معاكى جدا ان الزوجة بتتحمل فوق ال 60 % يعنى العبء الاكبر فعلا

و دى نسبة مش المقصود بذكرها انها احصاء او نتيجة دراسة معينة لكن المقصود منها

انها فعلا بتتحمل النصيب الاكبر من مسئولية نجاح الزواج بعد اتمامه

الإثنين 11 يونيو 2012, 1:59 am

اما الاخطاء التى يتحدث عنها الموضوع

فأعتقد انها مجرد محاولة لكتابة مقال من الكاتب و حشوه

لأنه كلام غير واقعى بالمرة و حدوثه على نحو ما ذكر كاتب المقال

يكون كحالة استثنائية و ليس كظاهرة مجتمعية

بصراحة انا مش قادر استوعب ان راجل قاعد مع واحدة

عشان يرتبط بيها و يسألها بتقبضى كام ؟

ربما استاذى كان حالات استثنائية وان كانت فأكون المهاجرة احدى هذى الحالات

هههههههههه

فقد صادفنى هذا المثال يوما وزى ما حضرتك قدمت اعتذرت بالتأكيد

الإثنين 11 يونيو 2012, 2:01 am

المهاجرة كتب:

اما الاخطاء التى يتحدث عنها الموضوع

فأعتقد انها مجرد محاولة لكتابة مقال من الكاتب و حشوه

لأنه كلام غير واقعى بالمرة و حدوثه على نحو ما ذكر كاتب المقال

يكون كحالة استثنائية و ليس كظاهرة مجتمعية

بصراحة انا مش قادر استوعب ان راجل قاعد مع واحدة

عشان يرتبط بيها و يسألها بتقبضى كام ؟

ربما استاذى كان حالات استثنائية وان كانت فأكون المهاجرة احدى هذى الحالات

هههههههههه

فقد صادفنى هذا المثال يوما وزى ما حضرتك قدمت اعتذرت بالتأكيد

هههههههههههههه

ده تصرف صحيح طبعا منك بكل تأكيد

بس خللى بالك انا بقصد بكاتب المقال مش انتى خالص

بقصد كاتب المقال الاصلى على اعتبار انه موضوع منقول من موقع مش من كتاباتك

الخاصة

الإثنين 11 يونيو 2012, 2:02 am

عطر الشرق كتب:موضوع التحدث عن العلاقات السابقة قد تحدث فعلا وليس بعد وقت طويل كما قال ليدر فقد تحدث من بعض الشباب كنوع من فرد العضلات من باب انا حبيت كتير قبلك فاحمدى ربنا انى خطبتك انتى او نوع من التباهى انه واد محصلش وموضوع التوتر دا شئ طبيعى ولازم الست تقدره

فعلا عطر الشوق موضوع التوتر دا اصلا بيكون متبادل

يعنى كلاهما بيكون متوتر واحيانا بيتهته وحالته بتكون الوان ههههههه

اما التحدث عن سابق العلاقات فممكن يكون اختى الجميلة من باب القاء الهموم كلها مرة واحدة يعنى

ما فيش حاجة مخبيه اهوه

ميرسى لك عطر الشوق

الإثنين 11 يونيو 2012, 2:05 am

ليدر كتب:

المهاجرة كتب:

اما الاخطاء التى يتحدث عنها الموضوع

فأعتقد انها مجرد محاولة لكتابة مقال من الكاتب و حشوه

لأنه كلام غير واقعى بالمرة و حدوثه على نحو ما ذكر كاتب المقال

يكون كحالة استثنائية و ليس كظاهرة مجتمعية

بصراحة انا مش قادر استوعب ان راجل قاعد مع واحدة

عشان يرتبط بيها و يسألها بتقبضى كام ؟

ربما استاذى كان حالات استثنائية وان كانت فأكون المهاجرة احدى هذى الحالات

هههههههههه

فقد صادفنى هذا المثال يوما وزى ما حضرتك قدمت اعتذرت بالتأكيد

هههههههههههههه

ده تصرف صحيح طبعا منك بكل تأكيد

بس خللى بالك انا بقصد بكاتب المقال مش انتى خالص

بقصد كاتب المقال الاصلى على اعتبار انه موضوع منقول من موقع مش من كتاباتك

الخاصة

اكيد استاذى انى فاهمة حضرتك ...

ولكن وددت ان اوضح انها

تحمل سمات الواقع فعلا ...

اهلا بحضرتك وميرسى جدا لك

الإثنين 11 يونيو 2012, 2:09 am

ليدر كتب:

المهاجرة كتب:

زواج الصالونات فى حد ذاته ولا هو حاجة ناجحة جدا ولا هو حاجة فاشلة

او موضة قديمة .. و الحب قبل الزواج ليس مقياسا ولا ضرورة

لنجاح الزواج و استمراره و عدم وجوده قبل الزواج ليس بالضرورة

سبب فى فشل العلاقة الزوجية

اتفق مع حضرتك استاذى ان زواج الصالونات نجاحه ليس باهرا ولكنه معتدل جدا باحتمالات نجاحة واستقراره

لأنه عقلالنى قبل ان يكون للعاطفة مكان مؤثر ...

فالعاطفة تطفىء نور العقل ... وصراحة لو زواج الصالونات موضه قديمه اكون اول من يهوى التراث لانى صراحة مؤيده له جدا

ههههه

هههههههههههههههههه

هو كويس مش وحش يا مهاجرة لكنه ليس مقياسا لنجاح الزواج ولا سببا لفشله .. ده قصدى بالظبط

اكيد استاذى انه ليس مقياس لنجاح الزواج ...

يعنى أكيد انه مش كل زواج الصالونات ناجح 100% لكن هو ناجح بنسبة اكتر من 50% يعنى ههههه

لأن الطرفين بالفعل عندهم الوضوح الكامل بالمواصفات هههههه

يعنى أقله بالاساسيات ...

الإثنين 11 يونيو 2012, 4:22 am

انا شايفة ان جواز الصالونات انجح فى معظم الاحيان من الجواز المبنى على قصة حب لان الطرفين فى قصة الحب لايرون العيوب من باب مراية الحب عامية او على الاقل بيتغاضوا عن العيوب بشكل مؤقت حتى يستمتعا بقصة حبهما على عكس جواز الصالوانت الاتنين عارفين فمابيحطوش امل اوى فى الطرف الاخر وبرده مابيتصدموش من اى حاجة لو حصلت وبعدين العقدة من جواز الصالونات غريبة شوية لان للاسف الكلام عن الحب والرومانسية والافلام اللى صورت الحب انه الحب اللى جاى فيها بس ونسيت ان جواز الصالوانت مش كله اكيد بس فى حالات كتيرة منه مبنى على القبول اولا ثم الحب الاقوى والارسخ فى نظرى بعد الجواز لانه حب مع المسؤلية حب العشرة والمودة والرحمة مش مجرد تاجج مشاعر سريعا ماتنطفأ مع الحياة ومصاعبها واكيد سواء الحب الرومانسى او جواز الصالونات لن يستمرا الا اذا كان فيه صفات جيدة فى الطرفين احترام متبادل يؤمن حياة جيدة فاكيد انا لن استمر حتى مع حب حياتى وقصتى المشتعلة اذا اكتشفت فيه صفات او عيوب لايمكن التعايش معها وافضل رجلا اسكن اليه حتى لو تزوجته عن طريق زواج الصالونات فالعبرة فى النهاية بالعشرة الطيبة سواء فى هذا او ذاك فالحب ماتصنعه الحياة وكما يقول ابن حزم ايضا عن الحب من اول نظرة او الحب بمعنى اصح بدون عشرة انى لاطيل العجب فى كل من يدعى انه احب من النظرة الاولى وانى اعتبره درب من دروب الشهوة وقال بعدها فيما معناه ان ان الحب عنده ان يعاشر المرء ويرى منه عيوبه وممميزاته فاذا احبه فهذا هو الحب

الإثنين 11 يونيو 2012, 10:41 pm

جميل اوى كلامك عطر الشوق

حقيقى بجد سعيدة جدا بك وبتفكيرك وعقلك الجميل بصدق

وحقيقى أول خطوات الحب اللى اساسة متين هو القبول وبعدها تربية الحياة لهذا القبول فيكبر للاعجاب وبعدها خطوة جديدة

بعد تمام الارتباط الى حب ينمو ويكبر مع أزمات الحياة

ده هو الحب الجميل اللى يعيش سنين العمر

لأنه مش حب الاغانى والغزل اللى مالى الدنيا دلوقتى

لأ ..

حب الصفات والاعجاب بالمواقف والارتباط بينه وبين الحياة بكل صورها

الحلوة واللى كمان مش حلوة

ميرسى لك عطر الشوق ويارب يفرح كل البنات الجميلة يارب

آمين

دى لك يا جميلة

الإثنين 11 يونيو 2012, 11:56 pm

متشكرة جدا لكلام حضرتك وبمناسبة ان الشاب ممكن يقول عن علاقاته السابقة حتى من اول لقاء هو قليل بس ممكن يحدث من بعض الرجال المغرورين الذين قد يظنوا انهم يقولون هذا من باب فرد العضلات وانه واد جامد وميتعوضش وكونه جه خطبها بعد كل هذه العلاقات ده فضل منه اما عن التوتر اظن دا شئ طبيعى ويجب ان تقدره المرأة ليس ضعفا فى الرجل امامها ولكننا لازلنا نخشى لحظة مفاتحة الطرف الاخر وانا عن نفسى بشوف توتر الرجل فيه بعض من حياء وهذه صفة اعشقها فى الرجل ليس الخجل وانما الحياء الذى هو شعبة من شعب الايمان

الثلاثاء 19 يونيو 2012, 11:23 pm

معاكى عطر الشوق

ممكن يكون له علاقات سابقة لكن النقطة الاساسية تكمن بطريقى عرضها

وحالة التوتر دى مؤشر صحى جدا هههههههه

يعنى طبيعى جدا التوتر من كلا الطرفين ويمكن البنت بتكون اكتر شوية بحكم انوثتها وخجلها الزايد طبعا

وبالنهاية يارب يارب يسعد قلوب كل البنات والشباب

آمين يارب العالمين

زواج الصالونات.. واللقاء الأول

زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول

رد: زواج الصالونات.. واللقاء الأول