رسالة الى فلان

السلام عليكم
ده موضوع عبارة عن رسائل قصيرة
تقدر الاعضاء من خلالها توجيه كلمات بسيطة فى سطور قليلة
لبعض لزيادة الألفة و الارتباط و اشاعة جو من
الحميمية فى منتدانا

اول رسالة عايز ابعتها ح تكون موجهة لكل اعضاء منتدانا الغاليين و ح اقول لهم كل سنة و انتوا طيبين و ياريت اللى يغيب ما يغيبش عننا كتير و يطمننا على اخباره ..

رسالة الى ابو رمضان :
ربنا يطمننا عليك يا استاذنا

ربنا يبارك فى صحتك و عمرك يا كبير



النهاردة عايز ابعت رسالة لاستاذنا محمد الهلالى
اقول له فيها وحشتنا يا استاذنا ووحشنا قلمك الجميل

رسالة الى : أخونا وأستاذنا الغالى/ ليدر

كل سنة وحضرتك بصحة وخير وسعادة وراحة بال

هذه المحبة وذاك الاحترام الذى يجمعنا..فضل من الله ونعمة..تستوجب الشكر..

بالمحافظة على استمرارها..أدامها الله وحفظها..( آمين )

ربنا يعزك يا استاذ محمد و يبارك لنا فيك يارب

و يعود عليك و على كل احبابك الشهر الكريم باليمن و البركات

رسالة الى شروق

عايزين نطمنوا عليكى يا شروق

عملتى ايه ؟ طمنينا امال

رسالة الى اعضاء منتدانا
ليه لما يكون عندنا حاجة جميلة ما نحافظش عليها ؟!!

رسالة الى روعة

انتى فين كل ده

طمنينا عليكى و خلليكى جدعة امّال

المنتدى مع همسة ملاك و كات ومان و نسمة و ايمى لما كانت فاضية و حنين و دلتا كان حاجة تانية خالص .. مفيش وجه للمقارنة بصراحة .. و الرسالة
انتوا فين و محدش عارف اخباركم ليه ؟

رومانسية كتب:

سلام الله عليكم

رسالة حنين لمنتدايا الجميل وعشرة عمر وايام وليالى جميلة قضيتها فى ربوعه الاصيلة

وصلة محبة ومودة لاعضاءه الكرام التى تربطنى بهم صلة ود ومحبة ووصال

اسفة على الغياب

لكنها الاقدار

حبيت اسلم على المنتدى بحروف تخرج من قلبى متلهفة لهذا المكان اسجل فيه حبى واعتزازى به

وابدا لم تغب عن البال

عذرا مكانى الحبيب فغيابى عنك ليس بإراداتى ولكن من حين لاخر ادخل هنا

كى اتنفس عطر حروفك وجمال اركانك واتابع خطوات نجاحك

لكل اعضاء منتدايا الجميل

كل سنة وانتم طيبين وسامحونى للغياب والعودة ان شاء الله بمعياد

الغالى ابو رمضان سلام حار من القلب يا كبير وربنا يطمنى عليك دايما

والله الموفق للجميع واتمنى لكم التوفيق فى كل وقت

شكرا للجميع ولمنتدايا البديع

عليكم السلام و رحمة الله و بركاته

ايووووووووووووووه

افتقدناك جدا يا رومانسية

الحمد لله على سلامتك

و الله الواحد فرح لما شاف اسمك فى المنتدى

نورتينا و ربنا ما يحرمناش منك

ابورمضان44 كتب:الرساله ....من أبورمضان
الى ابورمضان

اسمع انت ياراجل ياعجوز الدنيا كله مش ذى اللوز واللوز فيه بقشره وفيه منغير قشر بس برضه اسمه لوز والحلو لما يدلعوه يقولوله ذى اللوز...

طيب والله يابورمضان المنتدى ده لوز اللوز ملاكى مش ساكنين عند اى حد ده هو عمارتنا وبتنا ومكتبنا وارشفنا احنا اللى عملينوه سوا سوا خبيبى ايو خبيبى مش حبيبى عشان انا كمان عاشرت الاجانب وعندى الحاء خاء...

اسمع ابورمضان اعتبر ان المنتدى ده بيت العائله وكلهم سكنوا بره ...

انتظرهم برضه هم اولادك لازم يجوا يشفوك ويسئلوا عنك ويعرفوا اخبارك وتعرف اخبرهم اللى واللى واللى يارب يسعدكم واسمع عنكم كل خير وفرحه........

انت يابنى يامحمد انده بصوت عالى على اخوتك وانا عارف انك بتحبهم.....

أبورمضــــــــــــــــــــــان
عجوز المنتدى

مساء الفل يا حبيب الكل

رومانسية ظهرت اهى

ربنا يطمننا على الباقيين

و نفضل دايما متجمعين

الخطة باظت



كنت مخطط اكتب رسالة لرومانسية النهاردة

بس الحمد لله ظهرت و نورتنا و طمنتنا عليها

طيب وانا ماليش رساله

يا خبر

هى ما وصلتش ؟

استاذنا الكبير ابو رمضان الغالى

شد حيلك

ربنا يديك الصحة و يبارك فى عمرك يارب

الى الغالية / رومانسية

أهل الفضل دائما أسبق بالفضل

لك منى خالص الشكر وعظيم الاحترام

صادق الدعاء لك بكل الخيرمن الله

آه والف آه ياولاد الحلال...

ربنا مايحرمنى منكم يارب.....

اللهم اعفوا عنا وانت الغفورالرحيم...

اليكم جميعا تقبل الله منكم الصيام والقيام وقول والله لسه بدرى ياشهر الصيام...

من القلب الى الاخ والصدبق والابن الوفى المخلص الملقب ليدر لسئاله كل اليوم عنى وعنكم جميعا ...يارب اشوفكم بعد العيد ونعيش بهجة المنتدى وتقاربنا المستمر.....

بس

الغايب يسئل على الحاضر....لالالالالالا.....الحاضريسئل على الغائب.....الكل يسئل عن الكل وخلاص...ههه

ياهلالى لم اتوقع فى حياتى ان لااشوفك واقعد معاك ونتحادث معا....طالت المده دى اول مره....
وحشتنــــــــــــــــــــــــــــــــــــــــــــــــــــــــــــــى

أبورمضان

عجوز المنتدى

ربنا ما يحرمناش منك يارب استاذنا الغالى

رسالة الى الغايبين

ايه يا جماعة

انتوا مالكومش خوات تسألوا عليهم ولا ايه ؟

رسالة الى شروق
كنت عايز اكتبلك رسالة زوار ( حائط التعاليق ) بس ماعرفتش
و كنت عايز اطمن على اخبارك بعد الثانوية و ماعرفتش برضو
ماشى يا شروق