- زهرة الوادىالمشرف العام
رقم العضوية : 837
عدد المساهمات : 173
التقييم : 0
تاريخ التسجيل : 24/10/2015
العمر : 52
البلد : مصر
طريقة عمل باترن فى الفوتوشوب وتلوينه وتغيير لونه
الأربعاء 15 فبراير 2017, 7:45 am
طريقة عمل باترن فى الفوتوشوب وتلوينه وتغيير لونه
السلام عليكمطريقة عمل باترن فى الفوتوشوب وتلوينه وتغيير لونه ح يكون درسنا النهاردة مع فريق عمل منتديات نسائم الشرق ، إن شاء الله يكون الدرس بسيط و الشرح واضح و نشوف مع بعض تطبيقات جميلة .
نفتح الفوتوشوب و من قائمة file نختار new و نبدأ نعمل ملف جديد بمقاس 100 * 100 و نخللى خلفية الملف شفافة زى ما احنا شايفين فى الصورة
عايزين نظهر المسطرة عشان نشتغل بمقاسات مظبوطة .. نروح لقائمة View ونضغط بالماوس على Rulers
ح تظهر معانا المسطرة على حدود الملف من فوق و على الشمال زى ما الاسهم مشاورة فى الصورة دى
دلوئت بئه عندنا ملف جديد و زى ما المسطرة موضحة، مقاسات الملف ده 3.5 سم و شوية طول و عرض ،
استخدم العدسة و كبر الملف بتاعك، روح لأى ركن من الاركان ح تلائى الماوس اتحول شكله لسهم براسين ، اسحب فوق أو تحت و زود مساحة الرؤية .
ده ح يكون شكل الملف بتاعنا
نضغط بالماوس على السهم Move Tool
نضغط بالماوس جوا المسطرة اللى فوق و نسحب الماوس لتحت و احنا ضاغطين على الزرار الشمال ح ينزل معانا خط افقى ، نسحب لغاية ما نوصل لنص المستند ( 1.75 سم ) ..
نضغط بالماوس جوا المسطرة الشمال و نسحب الماوس لليمين و احنا ضاغطين على الزرار الشمال ح يظهر معانا خط رأسى ، نسحب لغاية ما نوصل لنص المستند ( 1.75 سم ) ..
كده احنا حددنا نص الملف بالظبط
لو ماعرفتش تعمل الخطوة دى كبر دماغك و حاول تتشتغل الشغل اللى جاى على نص الملف بالظبط و بعد كده ابئه حاول تتعلم بشويش ازاى تسحب خط من المسطرة من فوق و من الشمال زى ما قلنا قبل كده .
دلوئت عايزين نرسم اى شكل فى نص الملف بالظبط
اضغط على shape و اختار اخر اختيار
نضغط على السهم الصغير عشان الاشكال تظهر و نضغط على اى شكل من الاشكال اللى ظهرت و نروح نرسمه فى نص الملف بتاعنا و ناخد بالنا ان الشكل ح يطلع لونه اسود لان اللون الامامى عندنا اسود من البداية
انا اخترت الشكل اللى باين فى الصورة ، طبعا انت ممكن تختار اى شكل تانى ، ممكن قلب مثلا او وردة صغيرة او اى حاجة تحبها من الاشكال اللى موجودة فى الفوتوشوب و اللى حابب تعملها باترن .
نضاعف اللاير و نروح واحنا واقفين على اللاير اللى فوق ، نروح على Filter و نختار الاختيارات الموضحة فى الصورة
ح تطلع لنا نافذة نختار القيم الموضحة فى الصورة
و نتأكد ان الاختيار الاخير متعلم
نضغط اوكى و النتيجة ح تكون كده و اختار
كده احنا اخدنا طريقة عمل باترن ، فاضل ازاى نحفظه عشان نستخدمه بعد كده وطريقة تلوينه وتغيير لونه
روح على Edit و اختار Define Pattern
ح تظهرلك نافذة فيها اسم الباترن ، اضغط اوكى
كده احنا عملنا باترن خلاص و حفظناه و نقدر نستخدمه
- زهرة الوادىالمشرف العام
رقم العضوية : 837
عدد المساهمات : 173
التقييم : 0
تاريخ التسجيل : 24/10/2015
العمر : 52
البلد : مصر
رد: طريقة عمل باترن فى الفوتوشوب وتلوينه وتغيير لونه
الأربعاء 15 فبراير 2017, 7:46 am
نتابع مع بعض طريقة عمل باترن فى الفوتوشوب وتلوينه وتغيير لونه
نفتح ملف جديد بمقاس 500 * 500 و خلفية شفافة
نعمل لاير جديد
ناخد الجردل paint bucket
نضغط على السهم الصغير اللى فوق جنب forgreound و نختار pattern
نضغط السهم الصغير اللى جنب باترن ونختار الباترن اللى عملناه فى الخطوة اللى فاتت
و نروح للملف بتاعنا و نضغط جواه بالماوس ضغطة شمال
ح نلائى الباترن بتاعنا اتحط جوا الملف فى الطبقة الجديدة بشكل منتظم جميل
دلوئت اخدنا طريقة عمل باترن فى الفوتوشوب و ازاى نحفظه و نحطه فى اى تصميم
فاضل تلوينه و تغيير لونه
اضغط بالماوس على اول طبقة من تحت و روح على لون المقدمة و خلليه احمر بعد كده خد الجردل و لون الخلفية خلليها حمرا بس خللى بالك لازم تغير كلمة باترن من فووووووق و تخلليها فورجراوند
و ده لون الخلفية الجديدة بتاعتنا
عايزين نغير لون الباترن من اللون الاسود نخلليه مثلا اصفر
اضغط بالماوس على الطبقة اللى فوق ( طبقة الباترن )
اضغط على انشاء طبقة ضبط
ح تظهرلك قائمة اختار منها اول اختيار
ح تظهرلك الالوان اختار اللون الاصفر و اضغط اوكى
ح تلائى الملف بتاعك بئه لونه اصفر
ناخد بالنا من شكل الطبقات و عددهم و ايه الطبقة اللى متحددة
اطلع فوق و روح على لاير و اختار زى الصورة
كده الباترن اصبح لون اصفر
اضغط على اللون الاصفر ( خد بالك كويس اوى من مكان الضغط )
ح تظهر معاك الالوان اختار منها اللون اللبنى و تعالى احكى لى حصل ايه
و بكده يبئى اتعلمنا طريقة عمل باترن فى الفوتوشوب وتلوينه وتغيير لونه و الى لقاء اخر و شرح جديد ،،،
ليدر
نفتح ملف جديد بمقاس 500 * 500 و خلفية شفافة
نعمل لاير جديد
ناخد الجردل paint bucket
نضغط على السهم الصغير اللى فوق جنب forgreound و نختار pattern
نضغط السهم الصغير اللى جنب باترن ونختار الباترن اللى عملناه فى الخطوة اللى فاتت
و نروح للملف بتاعنا و نضغط جواه بالماوس ضغطة شمال
ح نلائى الباترن بتاعنا اتحط جوا الملف فى الطبقة الجديدة بشكل منتظم جميل
دلوئت اخدنا طريقة عمل باترن فى الفوتوشوب و ازاى نحفظه و نحطه فى اى تصميم
فاضل تلوينه و تغيير لونه
اضغط بالماوس على اول طبقة من تحت و روح على لون المقدمة و خلليه احمر بعد كده خد الجردل و لون الخلفية خلليها حمرا بس خللى بالك لازم تغير كلمة باترن من فووووووق و تخلليها فورجراوند
و ده لون الخلفية الجديدة بتاعتنا
عايزين نغير لون الباترن من اللون الاسود نخلليه مثلا اصفر
اضغط بالماوس على الطبقة اللى فوق ( طبقة الباترن )
اضغط على انشاء طبقة ضبط
ح تظهرلك قائمة اختار منها اول اختيار
ح تظهرلك الالوان اختار اللون الاصفر و اضغط اوكى
ح تلائى الملف بتاعك بئه لونه اصفر
ناخد بالنا من شكل الطبقات و عددهم و ايه الطبقة اللى متحددة
اطلع فوق و روح على لاير و اختار زى الصورة
كده الباترن اصبح لون اصفر
اضغط على اللون الاصفر ( خد بالك كويس اوى من مكان الضغط )
ح تظهر معاك الالوان اختار منها اللون اللبنى و تعالى احكى لى حصل ايه
و بكده يبئى اتعلمنا طريقة عمل باترن فى الفوتوشوب وتلوينه وتغيير لونه و الى لقاء اخر و شرح جديد ،،،
ليدر
صلاحيات هذا المنتدى:
لاتستطيع الرد على المواضيع في هذا المنتدى