طريقة عمل انعكاس لصورة أو نص بالفوتوشوب بشكل احترافي
الأربعاء 08 فبراير 2017, 5:03 pm
طريقة عمل انعكاس لصورة أو نص بالفوتوشوب بشكل احترافي
السلام عليكم ورحمة الله وبركاته، درس النهاردة هو طريقة عمل انعكاس لصورة أو نص بالفوتوشوب بشكل احترافي وبكل سهولة فى نفس الوقت، وح يكون الدرس على الفوتوشوب سى اس 6 ولو ركزنا شوية ممكن نطبق نفس الدرس على أى اصدار من اصدارات الفوتوشوب المختلفة .أول خطوة فى طريقة عمل انعكاس لصورة أو نص بالفوتوشوب بشكل احترافي اننا نفتح عمل جديد بمقاس 500 * 250 بكسل ونخللى خلفية التصميم سوداء .. اخر الدرس ح اعلمكم ازاى تغيروا لون الخلفية بعد كده ..
باستخدام خط مناسب وحجم مناسب وال
لون ef7ed0 ح نكتب منتديات نسائم الشرق على لاير جديد .. نضاعف اللاير .. ننشط أول لاير كتابة من تحت ومن قائمة edit نختار transform ومنها نختار rotate 180 بعد كده نختار مرة تانية transform من قائمة edit ومنها نختار flip horizontal وبعدين نحرك اللاير بحيث تبئى تحت اللاير المعدولة بمسافة مناسبة زى ما احنا شايفين فى الصورة
بعد كده ننشط اللاير المقلوبة ونضغط على add a layer style ومنه نختار gradient overlay ونعمل الاعدادات زى اللى موجود فى الصورة
ونخللى اللون الشمال 000000 واللون اليمين ef7ed0
نعمل الشفافية 50% ، المفروض تحصل على نتيجة شبه دى
واحد يقول لى انا مش عايز خلفية سودا
اقول له امال عايز لونها ايه ؟
شوفوا
اعملوا الخلفية بأى لون انتوا عايزينه بس اهم حاجة وفى التدرج اللونى ح يكون اللون الشمال هو هو نفس لون الخلفية و ح يكون اللون اليمين هو هو نفس لون الكتابة ( النص ) ..
واحد يقول لى ما احنا لو عملنا كده على صورة الصورة ح تبوظ ؟
اقول له انا قلت خللى الشمال لون الخلفية واليمين لون الكتابة وماجبتش سيرة الصورة اصلا !!!!!!
الصورة ح نتبع معاها نفس الخطوات بس ح نخللى لون اليمين شفاف
دى كانت طريقة عمل انعكاس لصورة أو نص بالفوتوشوب بشكل احترافي
اى اسئلة ؟
صلاحيات هذا المنتدى:
لاتستطيع الرد على المواضيع في هذا المنتدى