درس فوتوشوب الكتابة بلون الذهب مترجم

الأربعاء 08 فبراير 2017, 5:22 pm

السلام عليكم
النهاردة معانا درس لذيذ للكتابة بلون الذهب ( الكتابة الذهبية ) باستخدام برنامج الفوتوشوب
الدرس منقول من موقع اجنبى و مترجم بمعرفتى مع ملاحظة ان كل الصور المستخدمة فى الشرح من اعداد الموقع الاجنبى ..
نفتح برنامج الفوتوشوب و نفتح ملف جديد بمقاس مناسب و خلفية بيضاء .. مبدئيا طبق الإعدادات اللى موجودة فى الصورة لغاية ما تتقن الدرس و بعد كده اعمل الإعدادات المناسبة لك ..

اكتب فى الملف كلمة gold بلون اسود و خللى حجم الخط 205pt و خلليه عريض و اختار نوع الخط المشار اليه فى الصورة ..

ح نبدأ نضيف التأثيرات بتاعتنا على لاير التكست gold
اضغط على layer style و اختار Gradient Overlay و طبق الإعدادات اللى فى الصورة

بص على كل حاجة و ماتنساش اى حاجة عشان شغلك يطلع مظبوط و خد بالك ان الزاوية ( 90 )
المفروض بعد تطبيق الإعدادات تكون دى النتيجة

بعد كده ح نشتغل على التأثير Bevel and Emboss
نعلم عليه و نطبق الإعدادات اللى فى الصورة ( ما تعلمش دلوئت على contour )

نعلم على contour و نطبق الإعدادات اللى فى الصورة

راجع الخطوة دى كويس لحد ماتلائى النتيجة بئت كده

نخش على التاثير Satin و نطبق الإعدادات اللى فى الصورة ( خد بالك من blend mode ) و نختار من
contour التأثير ring

المفروض تكون دى النتيجة معاك

اعمل تأثير gradient على الخلفية
انا اخترت الأبيض و الأسود و دى كانت نتيجة تطبيقى للدرس

الموقع الأجنبى اشتغل بشكل مختلف على الخلفية و دى كانت النتيجة بتاعتهم