الرئيسية
أحدث الصور
التسجيل
دخول
ليدرمدير الموقع
رقم العضوية : 4
عدد المساهمات : 9777
التقييم : 402
تاريخ التسجيل : 07/11/2010
العمر : 57
دمج اكثر من صورة فى النص ( الكتابة ) بالفوتوشوب
الأربعاء 08 فبراير 2017, 6:36 pm
دمج اكثر من صورة فى النص ( الكتابة ) بالفوتوشوب
السلام عليكم ، نقدم لكم طريقة دمج اكثر من صورة فى النص ( الكتابة ) بالفوتوشوب ، يعنى معانا نص أو كتابة وعايزين نخللى حروف الكتابة دى فيها اكثر من صورة .نفتح ملف جديد بمقاس 600*600 ونخللى الدقة 300ونخللى لون الملف رمادى 9e9e9e
نكتب النص او الكتابة بتاعتنا بلون ابيض ولتكن كلمة
GOOGLE ، نستخدم خط كبير وعريض وبعد كده ندوس على CTRL+T ونملا الملف بالكتابة وندوس انتر enter بعدها ..
نفتح 3 صور ، الصورة الأولى نعمل عليها تحديد بالضغط على ctrl+a وبعد كده ناخدها كوبى ctrl+c ونلزقها فوق طبقة google وبعدها نضغط على ctrl+alt+g ح نلائى الطبقات بتاعتنا بئت بالمنظر ده ( لاحظ السهم الصغير اللى متشاور حواليه بالمستطيل ولاحظ ان الصورة بتاعتنا ملت بعض حروف google )
طبقة الصورة نشيطة طبعا ، نحركها شوية شمال بحيث تملا اول حرفين من جوجل عشان نحط صورة تانية فى باقى الحروف
الصورة التانية نعمل عليها تحديد بالضغط على ctrl+a وبعد كده ناخدها كوبى ctrl+c
نضغط على ايقونة لاير جديد واحنا ضاغطين على مفتاح alt ونحط علامة صح فى الرسالة اللى ح تطلع فى نفس المكان اللى السهم مشاور عليه وندوس اوك
نلزق الكوبى اللى اخدناه من الصورة التانية ونحركه عشان يغطى حرفين من كلمة google
لو الصورة طلعت مش مظبوطة اتحكم فيها ب ctrl+t بحيث تظبطها على الحروف براحتك ...
الصورة التالتة نعمل عليها تحديد بالضغط على ctrl+a وبعد كده ناخدها كوبى ctrl+c
نضغط على ايقونة لاير جديد واحنا ضاغطين على مفتاح alt ونحط علامة صح فى الرسالة اللى ح تطلع زى ماعملنا المرة اللى فاتت بالظبط وبعد كده نلزق الكوبى جوا اللاير الجديد ونحركه بحيث يغطى باقى حروف google
وبكده نكون انتهينا من دمج اكثر من صورة فى النص ( الكتابة ) بالفوتوشوب والى لقاء آخر ودرس جديد بإذن الله ..
صلاحيات هذا المنتدى:
لاتستطيع الرد على المواضيع في هذا المنتدى