رد: قهوة ابناء مصر

السبت 06 أكتوبر 2012, 6:11 pm

على بركة الله

يمكن يكون وجوده قدم السعد على المقهى

happy

الأحد 07 أكتوبر 2012, 8:21 pm

على بركة الله

ياللا يا مزيكا

ظبط لنا اتنين شاى انا و عمك الاستاذ محمد الهلالى ع السريع ياللا

الإثنين 08 أكتوبر 2012, 1:23 am

يدوم أستاذنا الغالى..ياللى مقامك عندنا عالى..تسلم يامزيكا..أهو كده الشغل..

warda

الإثنين 08 أكتوبر 2012, 5:39 am

الله يسلمك يا استاذنا و يبارك لك يارب
ياللا يا مزيكا انجز
غضبان

الأربعاء 10 أكتوبر 2012, 5:36 am

يومك مش فايت يا مزيكا

حد يجيب لى البندقية الموريس

قنبلة

الأربعاء 10 أكتوبر 2012, 6:20 am

جرى ايه يامزيكا

احنا لسة بنقول ياهادى

الأربعاء 10 أكتوبر 2012, 9:56 am

صباح الخير عليكم...

الأربعاء 10 أكتوبر 2012, 10:18 am

تعالى هنا يا عثمان بص كده ..
شوف الناس دى تشرب آيه..؟؟؟
تصدق ان مفيش ولا واحد فى القهوة سئل ابورمضان فين...!!!!

شوف الهلالى وليدر قعدين يعزموا على بعض وبس...
وراحوا جابوا الولاد حوده....

ماشى ولايهمك انت وهو...

اصل الحدوته المدير ونائب المدير....

روح يابنى ياعثمان هات لى قهوة عثمنلى بن تقيل وحافظ على الوش كويس..

اى واحد يجى منهم ويسئل قولهم كان ملبوخ فى شراء لاب جديد وضرسه بيوجعه واكتر حاجه فى الدنيا ما يحبش يشوفها كرسى دكتور الاسنان والابره بتاعت البنج والكلابه....
باذن الله انا راجع ليكم تانى يعصابة حوده مزيكا...

أبورمضان عجوز المنتدى

الأربعاء 10 أكتوبر 2012, 8:37 pm

الف سلامة يا كبير

بس قول لى صحيح

مين قال لك ان محدش سأل عنك

انا كتبت كذا مرة و الاستاذ محمد الهلالى كتب برضو

و احنا بس اللى موجودين فى المنتدى و الباقيين غايبين

كده بئه احنا لنا حق عرب عندك

لأننا سألنا و انت ما ردتش و كمان بتشتكينا فى القهوة

:777:

الأربعاء 10 أكتوبر 2012, 8:51 pm

حد جاب سيرتكم انتم .....لالالالالالالا

انا بتكلم على الجماعه المهاجره بين راحو ايطاليا عن طريق الصحراوى والجمل توهم...عن سكة المنتدى......

راح اجيب قصص الاثر يدور راحوا فين اولاد الحلال دول وسابوا المنتدى والقهوة....؟؟؟

خلاص اسكت بطل انت مالك...

ابورمضان

بيشاور على ناس...

خلاص...

روح اقعد انت والهلالى بعيد ...

الأربعاء 10 أكتوبر 2012, 8:53 pm

لالالالالالالالالالالالا

انت قلت مفيش ولا واحد ع القهوة سأل عنى

تصدق ان مفيش ولا واحد فى القهوة سئل ابورمضان فين...!!!!

:vsad:

الأربعاء 10 أكتوبر 2012, 8:54 pm

ابئى قول لنا رأيك يا كبير فى الموضوع ده

http://masrya.ahlamontada.org/t8251-topic

الخميس 11 أكتوبر 2012, 12:48 pm

صباح الخير....

صليت الظهر وحضرت اهو....

هات ياعثمان واحد قرفه ب الزنجبيل بالحليب...

اسمع حليب طبيعى مش بدره والقشطه على الوش كده ظهره....كوب ميه ساقعه وتشوف وشك فيها تمسكها على الطوبسى مش صوابعك تعلم على الكوبايه سامع وعارف اعمل ايه فيك....

قولى هو ليدر فى الشغل النهارده ولا اجازه..؟؟؟

ومحمد افندى الهلالى راح فين..؟؟؟

طيب....

قهوة ابناء مصر - صفحة 18 003c5204f93e871a662516b59cb4b1ab

قهوة ابناء مصر - صفحة 18 003c5204f93e871a662516b59cb4b1ab

الخميس 11 أكتوبر 2012, 2:26 pm

نحن هنا يا كبير

اجازة بئه من نفسى

rose

الخميس 11 أكتوبر 2012, 7:18 pm

أهلا يابورمضان

القهوة نورت بوجودك..آسف على التأخير..كنت فى مهمة خارجية

وجودك فى القهوة النهارده من بدرى..بيفكرنى بالموظف اللى متعود

على التأخير..واليوم اللى راح فيه الشغل بدرى عن زملائه..بيسأل عليهم

فكشف تأخيرهم فى اليوم الوحيد اللى اتأخروا فيه.. وهو اليوم الوحيد

اللى حضر فيه بدرى.. صح الكلام؟

warda

الجمعة 12 أكتوبر 2012, 5:40 am

صح الصح يا كبير

meshader

الجمعة 12 أكتوبر 2012, 6:43 pm

لالالالالالالا

ياهلالى...!!!

زمان لما كانت القهوه رقم 1 عندى كانت الكرسى فى القهوه عليها غراء..

هات كوتشينه هاتك طوله هاتك صنيه لحمه راس.. هاتك هات عجين من الفرن واعمل لينا حواوشى ابورمضان الاصلى بالشطه والبهارات الحميه...ههههههه

الباقى ما ينفعش اكتبه...هههههههه

انت بتبحلق ليه ياليدر..؟؟؟؟

كل على الريحه وتخيل المنظر والطعم والله الى قبل زواجى طلقت القهوة يوم فرحى...

ماهى كانت يجوازه ...

ياجوزه..

الهلالى ليس له فى هذا المجال......

ههههههههههه

الجمعة 12 أكتوبر 2012, 6:48 pm

خليك شاهد ياغالى

احنا حاضرين قبل أبورمضان

ياريت حد يبلغه بحضورنا

:555:

الجمعة 12 أكتوبر 2012, 7:01 pm

ياعم ياحاج وياصحبى ياخويا...

انتم ماشوفتش اللى فوق ..؟؟؟؟ارجع سنه وراء المشاركه مارش دير...ههههه

اوعى تدوس على النمل....

الجمعة 12 أكتوبر 2012, 7:34 pm

أنا ساعة ماوصلت القهوة..لقيت الأستاذ / ليدر

علشان كده..سجلت حضور وسألت عليك

وحيث انك كنت موجود قبلى..قوللى كنت فين مستخبى؟؟؟

warda

الجمعة 12 أكتوبر 2012, 8:04 pm

كونت قاعد مع البيك الكبير

الاستاذ/الطاهر

بنسترجع الذكريات اصلى بقالى زمان ماشفتهوش...

وكمان جت سيره ابويا الحاج حمدى الف رحمه عليه...

قال لى....

القوالب نامت واللى اربع قامت..

خلاص ابق اتصل بيه واسئل عليه..؟؟؟

اغلى وكيل وزاره وكانت ايامه ايام....

ابورمضان
يسترجع ذكريات شبابه الوظفيه...

السبت 13 أكتوبر 2012, 6:54 am

القهوة شكلها اشتغلت يا جدعان

very happy

ولا مزيكااااااااااااااااااااااااا

الشاى بسرعة يابنى

السبت 13 أكتوبر 2012, 10:11 am

صباح الخير بالقشطه والحليب الصناعه الربانى...

اللى طبيعى ومفهوش غش لافورمالين ولا ميه..ربنا يسترك يامعلم اللى يغش اللبن يدخل النار بصروخ زرى ....

الله الله على الصبح الجميل والشيخ عبد الباسط...

عثمان ...ياعثمان...انت ياولد...روح هات لى حبة قراميش وكبايه لبن حليب من غير سكر....
حاضر ايوا جاى
أ.ليدر فى الشغل..؟؟؟
الهلالى..لسه نايم...

هات المطلوب وصبح عليهم لما يجوا وقول لهم هو راح للدكتور خضر...
وكمان رايح مسجد الشاطىء الظهر...

بالسلامه ياحاج...
ربنا يكرمك ياعثمان..
سلام..

السبت 13 أكتوبر 2012, 2:07 pm

ماشى ماشى ظبطوا نفسكوا وشربتوا الحليب الصابح ونسيتو ابنكم الغلبان الهفتان

الله يرحمك يا حاجة فاطمة كان زمانها مظبطانى فى شوب الحليب الدافئ ابو اربع خمس معالق سكر

والسندوتشات فى السرير دة بس كدة اصطباحة لغاية ماتخلص الغداء

الله يرحم امواتنا واموات المسلمين

بس برده انا ليه عندكم شوب حليب عند الحمامصى بتاع اللبن وشوية قراميش

ومش هاكسفكم لو حبست بعدها بكاساتا من سلسبيلا

اهو اتدلع عليكم من نفسى

مبتسم

السبت 13 أكتوبر 2012, 5:26 pm

الطلبات دى عندى

محدش يحاسب

كرسى يابنى للباشمهندس بسرعة