ضيف على شط بورسعيد ونور الهدايه

كرم الله اصلك عمي العزيز


من وجهه نظري المتواضعه ان لغه الحوار هي الحل لكل معضلات الازمان


لغه الحوار هي اساس العلاقه بين افراد الاسره وليس فق بين البنت والام..وان كانت هي الاساس..ولكن اشتراك الاب والاخوان في نفس الحوار يكون له اجمل الاثر


فيكون ارتباط متكامل لا يعتمد فقط علي عاطفة الام ولكن يعززه عقلانيه الاب في في تولي زمام الامور بكل الحب والتفاهم والاقناع....

ومن هنا تسير الاسرة علي علي طريق مضاء بنور الايمان والتمسك بالدين كأساس في كل التعاملات

والالتزام بالعادات والتقاليد واحترام كل القيم...كل هذا يدور في اطار من الحب والموده والرحمه

والرضي...فما اروع ان يشعر الانسان بنعمه الرضي عن نفسه امام الله وامام اهله وامام ضميره

الله على الروعة والجمال

الذكريات والتاريخ

الأماكن الساحرة

والدي الغالي ابو رمضان

نورالهداية

حقيقي والله رحلة ممتعة جدا

واتمنى فعلا ازور بور سعيد

كفاية طيبة أهلها

متااابعة

ونكمل كلامنا ونقووووول


زي ما بدأت كلامي ان اجتماعت الاسرة هي اجمل متنفس للروح


بتقدر تقضي وقت جميل بدون خوف من تجاوزات او انتقادات لانك بين اهلك....يعني بتعيش بكل معني الكلمه

يعني بتلاقي الجد الكبير والجده نبع حنان للجميع ومصدر جميل طبعا للحلويات والرشة الجريئه كل شويه....ناس اقرب للملائكه ..كل همهم يسعدوا اولادهم واحفادهم ..وطبعا اي حد يحسوا مجرد احساس انه محتاج اي نوع من انواع المساعده...بتتجمع الاسرة في البيت الكبير يوم الحميس والجمعه بيبدأ الجد او احد الابناء بدرس ديني جميل تفسير سوره مثلا او جابات او مراجعه حفظ القران اللي سبق تحديده في الجلسه السابقه

بعد كده كل واحد بيمارس هوايته ويعرضها علي العائله سواء اغاني و عزف سمسميه او كمان او جيتار

او كتابه اشعار...الامهات بيعملوا اغداء والبنات بتساعد...مجامله طبعا مش بجد قوى يعني

طبعا بيعملوا احلي اكل في الدنيا


وده بقي نخليه للجزء القادم ...عشان المتابعه


تحياتي

الابنه والاخت العزيزه...نور الهدايه.....

مع نسمات الصباح وتلاطم امواج البلاج وشط بورسعيد خاصه نستمتع بتدفق حوارك وجماله وخاصه فى تكيف قانونى للاسره ومجلسه العائلى والاستمتاع بحصن حصين الاجداد والحرص الشديد على غرس الواعظ الدينى فى الاسره من الصغر.....

هل؟؟؟؟؟

قد يستوجب هذا ان تكون الدوله ودستورها دوله دينيه حتى يكون هذا فرض وقانون ودستور لتمسك الاسره ...ام اهلنا عايشونا على الفطره والتدين الوسطى الحنيف....؟؟؟؟

هل البيت والاسره ام بفرض دستورى ودوله.....؟؟؟؟

انتظر..

ولى مدخلات فى الحوار

ابورمضان
حصريا من تحت الشمسيه....

من جمال هذا اسمع ايضا السويسى كمان...

استاذن وانزل البحر شويه قبل الميه ماتسخن...الصبح بدرى اجمل الاوقات...

ونرجع لحديث الذكريات ونقووووووول


نتكلم شويه عن المأكولات البحريه....طبعا مش محتاج تأكيد ان اسماك بور سعيد لا يعلا عليها

لانها بتجمع بي اسماك القنا والبحر الابيض.....طبعا فيه البربوني والسهليه والبوري والدنيس والقاروص

والسردينه وابو كرش والانشوجه والسيبيا

اما القشريات فمنها المعروف زي الجمبري والاستاكوزا والكابوريا

وفيه اللي مش معروف قوي الا لسكان المناطق الساحليه زي الاشكالا او الكرابيديا....

وطبعا لا ننسي الاصداف ..زي الخلول والاسترمباءوالبكلويز


وياسلام بقي لما تجرب تصطاد بنفسك السمك او السيبيا من القناة

او تطلع الخلول من شاطيء البحر وانت بتتمشي

سبحان الخالق العظيم الذي رزقنا من اوسع الابواب

اما بقي عن طرق صنع المأكولات البحريه


فدي بقي بناءا علي طلب الجماهير


في انتظار طلبات الجماهير


رجاء الحجز مقدما منعا للتزاحم

نور الهدايه كتب:

انتوا ح تتفسحوا لوحدكم ولا ايه ؟

ازاي بقي يا ادمن هي الفسحه تنفع من عير المه الحلوه
وبعدين البورسعيديه اهل كرم
يعني هتلاق احلي مؤكلات بحريه علي مستوي مصر كلها
غير الهواء الجميل والمناظر الطبيعيه الرائعه
يلا حضر الشنطه وتعالي احنا منتظرينك

يا ستى ربنا يكرمك

ده بس من ذوقك

و انا فعلا نازل بورسعيد قريب جدا جدا احتمال الجمعة ان شاء الله

بس ما تقوليش لعمنا الكبير عشان عايز اعملهالو مفاجأة