حد عايز حاجة من بورسعيد ؟

صباح الخير

انا رايح بورسعيد بعد بكرة ان شاء الله

ابو رمضان وحشنى اوى و محتاج اشوفه بصراحة

و كمان عايز اسلم على الاستاذ محمد الهلالى

و دى ح تكون اول مرة اقابله فيها ان شاء الله

الواحد مشتاق فعلا للزيارة دى

كنت ناويها من مدة بس ماحصلش نصيب

دلوئت الظروف متاحة و الحمد لله

و ان شاء الله تتم على خير

المهم

لو حد عايز حاجة من بورسعيد يقول على طول

محدش يتكسف .. هاااااا ..

فاللى عايز حاجة يخش يكتب هو عايز ايه

و ماتنسوش تسيبوا فلوس الله يخلليكوا

عشان انا حساس اوى فى الحكاية دى

أستاذنا الغالى/ ليدر

أخيرا وبعد طول انتظار

وبمشيئة الله العزيز الغفار

سنسعد بلقاء أحب الزوار

فى القلب لهفة وفى الايد أزهار

اذا كان الاستقبال هنا بالشكل ده

امال الاستقبال فى بورسعيد ح يكون ازاى

يا بختى



انا فرحان و الله استاذنا انى ح اشوفك بعد المدة دى كلها

و فرحان اوى كمان انى ح اشوف الاستاذ محمد الهلالى لاول مرة

ان شاء الله طبعا

ربنا يديم المعروف يارب

و بالنسبة للفلوس فمفيش اكتر من كده سخاء

و ده ح يخللينى افكر اجيلكم مرة كل اسبوع

انا قاعد الان باسمع اغنيه بحبها قوى...؟؟؟؟

زورنى كل سنه مره....!!!!

وبسمع الاخبار بيقولوا الا ايه البنوك راح تقفل سنه عشان الاخوان بيقلوا ان اللى يستعمل الفلوس حرام حرام وعايزين المعاملات الاسلاميه القديمه ترجع بالكيله والصاع والبيض والعدس والفول والذره....

اهى افكار...هههههههههههههههههههه

سلام ...

خلاص نشوفوا الحكاية دى لما نتقابلوا يا كبير

بسم اللــــــــــــــــــه الرحمن الرحيـــــــــــــــــــــــــم

فى حياة الانسان محطات يقف فيها ويسترجع لقائته وتعارفه ويقابل ناس ويفارق ناس وتترك ناس لديه آثر اما بالسلب او الايجاب ويتحول الى اخى او صديق او صاحب او اقرب اقرب اقرب من ذلك كله..
اناس تتمنى ان تظل معهم كل لحظات اليوم واناس لاترغب ان تراهم...برهة ولا حين من الضهر...

كان يوم الجمعه الموافق 31/8/2012...

هو اليوم المنتظر لزيارة الابن والاخ والصديق....

محمد...الملقب ليدر...

كونا فى انتظاره..انا وفارس واول مره محمد الهلالى....والمهندس ..محمد عبد الرحيم..
كانت نقطه اللقاء مسجد الشاطىء..ببورسعيد ..وهى دائما فى صلاة الجمعه...
وصلت الى المسجد الساعه 11صباحا ..ووجدت محمد الهلالى يبتسم ويستقبلنى كا عادته..ولكن المفاجأه ...قال لى ليدر وصل...استغربت لكونهم لم يعرفوا بعض ولم يتقابلوا قبل هذا اللقاء ابداااااااااااا
قولت له كيف..؟؟؟
قال لى الهلالى انه وهو جالس وجد رجل يتجه نحوه ويقول له السلام عليكم استاذ محمد الهلالى..!!!
رد عليه السلام وقال له انت ليدر....!!!
هنا وقفت لحظه اقول سبحان الله ان تتعارف الارواح دون وساطه فى المسجد احساس وشعور وفضل الله يسبق هذا كله....
نظرت الى الصفوف الاولى ووجدته جالس يستقرء فى كتاب الله....
حتى قضيت صلاة الجمعه وجاء الى الحبيب محمد {ليدر..}..
اخذته فى احضانى بكل حب وود وشوق كبير...لكونه عنوان كبير للاخاء والوفاء والصداقه ...بس اقول لكم فى سركم...اشعر به وهو فى احضانى بانه ابنى البار المخلص....ادعوا الله ان تكون ابنائه بارين به فى حياتهم معه اللهم امين امين..

عشنا معنا جميعا ساعات قليله ولكن كان لقاء الاحبه ...
واصر على ان يتركنا للعودة ولكن بعتاب شديد ...كانت زيارة تشريف دون تكليف ولم يسعدنا بالضيافه على الغذاء رغم اعداد وجبه خاصه له وتحجج بان معدته ....ليست على مايرام....هذه ثانى مره تحدث منه...

وفى النهايه..اقول لكم ان منتدنا ليس مكان وهمى ولكن مكان مجمع للاحباب وللضيوف ايضا والزوار ونرحب بالكل...
ادعوا الله ان يديم علينا اواصر الموده والحب والصداقه الصادقه لوجه الله...
دومت لى وسعدت بكم وانتظر من يريد ان يكون ضيفنا فى بورسعيد...
أبورمضان
عجوز المنتدى

و انا اقول ايه بس

الكلام ده كتير و كبير عليا يا كبير

ربنا يعزك و يكرمك