الجلاش باللحم المفروم

الثلاثاء 23 نوفمبر 2010, 9:54 pm

الجلاش باللحم المفروم
هانجيب لفة جلاش مجمد ونسيبها تفك براحتها لامكانية فصل الرقاقات
نحضر سلطانيه بها سمن سايح ودافى
ندهن صينية الفرن بالسمن
نفرش رقاقة لنهاية اطراف الصينية وندهنها بالسمن
ونكرر برقاقه تانيه
وكل رقاقتين نرش لحم مفروم ومعصج ومتبل ثم رقاقة ... وهكذا لغاية سمك 3 سم تقريبا
(ودى هيه التكه الاولى بدل من وضع الحشو فى وسط الصينيه فتفصل بعد السوا )

لما نخلص الرقاق للسمك المطلوب مع الدهان بين الطبقات زى ما قلنا
نقطع الصينية بسكين حاد للقطع المطلوبه ويفضل المربعات لسهولة التقديم
نصب كوبايه ونص شوربه بهريز
نصب على الوش ملعقتين سمن تانى
تدخل الفرن نص ساعه
ونيجى للتكه التانيه وهى ضرب خليط من كوب لبن كبير ومعاه بيضتين وملح وفلفل

ونطلع الصينية ونصب الخليط ده عليها فتشربه بسرعه لسخونتها
وندخلها الفرن تانى للسوا والتحمير النهائى
وبالف هنا
مساء الفل

منقول