صينية السمك فى الفرن

الله..تسلم ايدك..رائعة وأنا من عشاق السمك بجميع انواعه

وإليك كفتة الجمبرى على طريقتى


انهاردة لقيت نفسى محتارة..عايزة أعمل الغدا..طيب وبعدين..ماكانش فيه فى دماغى حاجة..وكاكنتش مجهزة حاجة خالص من قبل ولقيت نفسى فى مأزق ولازم أحارب طواحين الوقت..وكالعادة اتجه عقلى مباشرة للبحريات والسمكيات ..منقذى الدائم الأول والأخير..ولأن حالتى المعنوية ساعتها كانت مرتفعة بعد إجهاد لا بأس به ..ولأن الأسماك فعلا بترفع بزيوتها من المعدل المعنوى لمزاج الإنسان..قلت أعمل كفتة جميرى...
هاحكيلكوا بالضبط..
اول حاجة توجهت للديب فريزر..طلعت الجمبرى..كيلو وربع..وسبته شويه يطرى..
جهزت حوالى كوباية توم متقشر..
بصلة صغيرة
نص كوباية إلا ربع رز مستوى أبيض وكوباية بطاطس مهروووسة..
حزمتين ..واحدة شبت على كسبرة وواحدة شبت وواحدة كسبرة..يبقوا كدا تلاتة..وهما أصلا برضو كانوا جاهزين متقطعين فى الديب فريزر..تفتكروا كانوا أصلا 3 حزمات ؟
معلقتين خل وملح وفلفل وكمون وشطة وكسيرة ناشفة..وشوية كارى..
وطماطم مفرومة ومعلقتين صلصة..
أول حاجة خدت تقريبا نص كيلو الجمبرى مع شوية بصل وشوية توم وشوية من الشبت والبقدونس
خدتهم مع الكوباية إلا ربع رز وفرمتهم مع التوابل والملح فيما عدا الكسبرة والكارى...
وبعدين هاتطلع عجينة ناعمة خضرا طرية شوية ..جبت بقى حوالى ربع كيلو جمبرى صحيح وقلبتهم فى الخلطة دى وصبعتها صوابع ممشوقة القوام..أهم حاجة تكون ممشوقة القوام..لو موش كدا الأكلة هاتبوظ..بس اللى عايز يعملها كور..يكور بقى وأمرى لله..يستعين بالزيت فى التصبيع عن طريق بل الأصابع ونرصها على صينية ونركنهم..
بعد كدا هناخد البطاطس المهروسة نفرمها مع الجمبرى الباقى إلا شوية نسيبهم برضو صحيحين..مع الكارى والملح والفلفل وشوية توم وبصل والشبت والكسبرة ونفرمهم..ونصبع تانى وهكذا..
كفتة الجمبرى بالبطاطس هانقلبها بس فى زيت غزيز وهانقدمها كدا ..
كدا..



أما كفتة الرز هانقليها فى نفس الزيت ونطلعها وبعدين هانقوم واخدين التوم المفروم ونشوحه فى شوية زيت واختيارى ممكن نحط شوية كسبرة ناشفة معاه وبعدين نطفيهم بمعلقتين خل وبعدين الطماطم والصلصة والتوابل الملح والفلفل والكمون..ونسيبهم لما يتقل القوام وبعدين ننزل كفتة الجمبرى اللى بالرز المقلية ونزود المية ونسيبها تستوى هنلاقيها انتفشت لأن الرز بيستوى..
كدا بقت جاهزة..هانغرفها كدا



ونقدم الصنفيين جنب الرز الأبيض والسلطة الخضرا..ويارب تعجبكوا

طيب ماشى موافقة
قريب اوى هاعزمكوا كلكوا ..
عزومة كبيرة وجامدة
عزومة تعارف
بس الأول عايزة كل واحد يدخل يقولى بيحب ايه؟
ماشى

ايه دا سمعت في عزيمه جيت جري هههههه تسلم ايدك مستر على الوصفه الجميلة شكلها لذيذة جدا



وتسلمي اختي الغاليه ندى على الوصفه الذيذه احسبي حسابي في العزومه هههههه

الله يسلمك يارب

ياللا يا ندى اعملى حساب ريم معاكى و ماتغيبيش علينا

الف شكر ريم لمرورك الجميل بالموضوع

تنشيط ............

مشاركة غير مطلوب الرد عليها
فقط اجراء تنشيطى لضبط الفهرس
نعتذر عن الازعاج